Úr­vals­vísi­talan OMXI lækkaði um 2,18% í dag og heildar­velta nam 3,4 milljörðum króna. Þegar við­skipti í Ís­lands­banka eru tekin út, þar sem dagurinn var arð­leysis­dagur, stóð eftir um 2,3 milljarða króna velta á markaðnum og nær öll félög voru að lækka. Mesta velta dagsins var í Ís­lands­banka, alls 1,1 milljarður króna, en í dag var arð­leysis­dagur bankans, það er fyrsti dagur sem hluta­bréfin eru seld án réttar til arðs. Mesta velta dagsins var í Ís­lands­banka, alls 1,1 milljarður króna, en í dag var arð­leysis­dagur bankans, það er fyrsti dagur sem hluta­bréfin eru seld án réttar til arðs. Hluta­bréfa­verð bankans lækkaði um 6,16% en það er ekki hefðbundin markaðslækkun enda endur­speglar hún að veru­legu leyti að arðurinn er farinn út úr verðinu. Af sömu ástæðu er líka eðli­legt að horfa sér­stak­lega á veltuna án Ís­lands­banka þegar reynt er að lesa í raun­veru­lega virkni markaðarins. Að frá­dreginni veltu bankans nam velta annarra félaga um 2,3 milljörðum króna. Það er raunar undir meðal­veltu febrúar­mánaðar, sem var um 2,8 milljarðar króna á dag, og tölu­vert undir janúar, þegar meðal­veltan var rúmir 4 milljarðar. Þótt markaðurinn hafi því ekki alveg dottið í dvala var dagurinn engu að síður fremur þunnur í sniðum, sér­stak­lega miðað við breiddina í lækkununum. Næst­mesta velta dagsins var í Arion banka, 668 milljónir króna, en bréf bankans lækkuðu um 3%. Þar á eftir kom Eim­skip með 299 milljóna króna veltu og tæpa 6% lækkun. Gengi Reita féll svo um rúm 4%. JBT Marel hækkaði þó um 2,5% á meðan Icelandair fór upp um 1,40% og Síminn. Lækkanir dagsins voru þó á breiðum grunni í fremur litlum við­skiptum og fátt benti til þess að kaup­endur hefðu mikinn þrótt til að stíga inn í lækkunina.