Úr­vals­vísi­talan hækkaði um 2,44 pró­sent í dag og tók aðal­markaður Kaup­hallar Ís­lands myndar­legan kipp í kjölfar fregna um tveggja vikna vopna­hlé milli Bandaríkjanna og Írans. Viðhorf á mörkuðum batnaði þegar dregið hafði úr ótta við lang­varandi truflanir á orku­flutningum um Hor­mússund og Brent-hráolía lækkaði um rúm 13 pró­sent, niður undir 95 dali tunnan. Sú þróun dró úr þrýstingi á alþjóðamörkuðum og ýtti undir aukna áhættusækni fjár­festa. Sjá einnig Trump samþykkir tveggja vikna vopna­hlé gegn opnun Hor­mússunds Áhrifanna gætti mest í gengi Icelandair, sem hækkaði um tæp 9 pró­sent. Flug­félagið hefur orðið fyrir tölu­verðum áhrifum af átökunum í Íran, enda er Brent-hráolía meðal þess sem notað er við fram­leiðslu flug­véla­elds­neytis. Þá sækja evrópsk flug­félög meira en fjórðung af þotu­elds­neyti sínu til Persaflóaríkja, sem undir­strikar hversu viðkvæmt rekstrar­um­hverfi þeirra er fyrir röskunum í og við Hor­mússund. Hluta­bréfa­verð málm­leitarfélagsins Amaroq hækkaði um rúm 7 pró­sent sam­hliða því að gull­verð hækkaði á mörkuðum eftir að vopna­hlés­fregnirnar drógu úr verðbólguótta og ýttu á ný undir væntingar um vægari vaxtaþróun. Gengi JBT Marel hækkaði um tæp 5 pró­sent, á meðan Eim­skip, Skagi, Arion banki, Festi og Ís­lands­banki hækkuðu einnig myndar­lega. Heildar­velta á markaði nam 4,4 milljörðum króna. Sjá einnig Olíuverð lækkað um 14% í dag