Greiningar­fyrir­tækið AKKUR telur að upp­gjör Haga fyrir rekstrarárið 2025/26 hafi í megin­at­riðum verið í samræmi við væntingar, þótt rekstrar­hagnaður fyrir fjár­magns­liði og skatta og hagnaður hafi reynst lakari en spáð var. Í viðbrögðum AKKUR segir að rekstrar­hagnaður fjórða árs­fjórðungs hafi staðist væntingar en hærri af­skriftir, neikvætt endur­mat fjár­festingarfa­st­eigna og meiri fjár­magns­kostnaður hafi dregið niður af­komuna. Tekjur Haga á fjórða árs­fjórðungi námu rúmum 48 milljörðum króna og voru sam­kvæmt greiningunni um 2,2 pró­sentum yfir væntingum AKKUR. Fram­legð var einnig lítil­lega yfir spá og fram­legðar­hlut­fallið mældist 25,6 pró­sent, saman­borið við 25,5 pró­sent í áætlun greiningar­fyrir­tækisins og 25,0 pró­sent á sama tíma­bili í fyrra. Að mati AKKUR var gangurinn á fjórðungnum sterkur. Þar er sér­stak­lega bent á að heimsóknum við­skipta­vina hafi fjölgað um 6,8 pró­sent og seldum stykkjum um 3,2 pró­sent. Þá segir í greiningunni að reksturinn sé að styrkjast tölu­vert á milli ára. Tekju­vöxtur hafi numið 4,4 pró­sentum, en að teknu til­liti til breytinga á elds­neytis­gjöldum hafi vöxturinn verið nær 6,5 pró­sentum. Rekstrar­kostnaður var hins vegar yfir væntingum og EBIT því undir áætlunum. Í saman­tekt AKKUR kemur fram að EBITDA hafi numið 4,0 milljörðum króna og verið í samræmi við væntingar, en EBIT aðeins 2,2 milljörðum króna, sem var um­tals­vert undir spá. Hagnaður fjórðungsins nam tæpum 2 milljörðum króna og var einnig undir væntingum. Greiningar­fyrir­tækið telur þó að neikvæðu frávikin vegi minna í heildar­mati félagsins en ella, þar sem þau skýrist að stórum hluta af liðum sem hafi ekki bein áhrif á verðmat. Þar vísar AKKUR til hærri af­skrifta, neikvæðs endur­mats fjár­festingarfa­st­eigna og hærri fjár­magns­kostnaðar en gert hafði verið ráð fyrir. Sjá einnig Um 7 milljarða hagnaður og lægra vöru­verð boðað Á meðal jákvæðra þátta sem AKKUR dregur fram er skuld­setning Haga, sem sögð er hóf­leg. Sam­kvæmt greiningunni nemur skuld­setning félagsins nú um 2,5 földu EBITDA, að leigu­skuld­bindingum meðtöldum. Í niður­stöðu AKKUR segir að um gott upp­gjör sé að ræða og að af­komu­spá næsta árs sé sömu­leiðis í samræmi við væntingar. Leiðrétt fyrir ein­skiptis­kostnaði vegna Álfa­bakka geri áætlun ráð fyrir 7,7 pró­senta vexti EBITDA milli ára. Miðað við dagsloka­gengi hluta­bréfa á út­gáfu­degi greiningarinnar er heildar­virði félagsins metið á 178 milljarða króna. Það jafn­gildir 9,4 földu EBITDA rekstrarársins 2025 og 8,7 faldri áætlaðri EBITDA ársins 2026, miðað við mið­gildi áætlunar og leiðrétt fyrir ein­skiptis­kostnaði. Sam­kvæmt sögu­legu yfir­liti AKKUR yfir EV/EBITDA-mat Haga hefur félagið lengst af verið metið í kringum 9 til 10 falda EBITDA. Núverandi verðlagning virðist því vera nálægt sögu­legu meðaltali, en undir því mati sem lagt er til grund­vallar fyrir árið 2026 í greiningunni.