Ís­lands­banki segir skýrar vís­bendingar um að lang­varandi háir vextir og verðbólga séu farin að hafa áhrif á lána­safn bankans. Hlut­fall lána með laskað láns­hæfi hækkaði úr 1,5% í 2,0% á fyrsta árs­fjórðungi. Virðis­rýrnun fjár­eigna nam 1.219 milljónum króna á fyrsta árs­fjórðungi, saman­borið við 3 milljónir króna á sama tíma í fyrra. Áhættu­kostnaður útlána var 35 punktar á árs­grund­velli, en bankinn miðar við að áhættu­kostnaður sé 20 til 25 punktar yfir hag­sveifluna. Í fjár­festa­kynningu Ís­lands­banka segir að aukning lána á þriðja stigi tengist meðal annars áhættu­skuld­bindingum í byggingar­geiranum. Þar kemur jafn­framt fram að sölutími nýrra íbúða sé enn langur og að nokkur byggingar­verk­efni hafi verið flokkuð á annað stig. Bankinn segir að aukningin í lánum með laskað láns­hæfi tengist fyrst og fremst aðstæðum ein­stakra lán­taka. Í árs­hluta­reikningnum kemur fram að bankinn telji virðis­rýrnun fjórðungsins ekki endur­spegla breiðari veik­leika í lána­safninu. Á sama tíma segir bankinn þó að áhrif lang­varandi verðbólgu og hárra vaxta séu orðin sýni­leg. Sölutími íbúðar­húsnæðis hafi lengst, vöxtur íbúðalána minnkað og þrýstingur aukist á byggingar­geirann. Þrátt fyrir það segir bankinn eignagæði áfram al­mennt sterk og vísar til varkárrar lán­veitinga­stefnu. Íbúðalána­safn bankans virðist þó enn standa nokkuð vel. Í fjár­festa­kynningu kemur fram að meðal­veð­setningar­hlut­fall íbúðalána sé 56%, saman­borið við 54% í árs­lok 2025. Þá eru um 94% lána­safnsins tryggð með veðum.