Hulda Bjarnadóttir, forseti Golfsambands Íslands, er bjartsýn á komandi ár fyrir hönd golfhreyfingarinnar á Íslandi. Staða íþróttarinnar á Íslandi sé góð og ýmsir möguleikar séu í stöðunni bæði fyrir kylfinga í íslenskum golfklúbbum en einnig erlenda ferðamenn. „Íslenskt golf er á mjög góðum stað. Það er kraftur í golfhreyfingunni og ég finn hann alls staðar, í klúbbunum, hjá sjálfboðaliðum, þjálfurum og ekki síst kylfingunum sjálfum. Hópurinn er orðinn fjölbreyttari og fleiri sjá golf sem hluta af daglegu lífi sínu. Fjölbreytt þjónusta með ólíkum útfærslum er líka af hinu góðu góða og þetta styður allt við hvert annað,“ segir Hulda, sem gleðst yfir Golf Expo-sýningunni og segir hana geta orðið upphaf golfársins með þeim hætti að þar sé vettvangur fyrir kylfinga, klúbba, fyrirtæki og áhugafólk um íþróttina til að koma saman og telja niður fyrir sumarið. Ráðgjafarfyrirtækið KPMG kynnti í vetur niðurstöður úttektar fyrirtækisins þar sem hagspor golfhreyfingarinnar var meðal annars kannað. „Það er staðreynd að beint hagspor golfhreyfingarinnar á Íslandi var um 12 milljarðar króna á síðasta ári samkvæmt úttekt KPMG og það hefur vaxið hratt,“ segir Hulda. Hún bendir á að stærstur hluti tekna komi frá golfklúbbunum sjálfum, en þjónusta tengd íþróttinni hafi stækkað gríðarlega á skömmum tíma. „Golfhermar eru frábært dæmi um nýja þjónustu sem hefur sprungið út. Þar sjáum við áframhaldandi vöxt á næstu árum. Þar tengjum við íþróttina allan ársins hring.“ Sóknarfæri fyrir ferðaþjónustuna Hulda segir mikil sóknarfæri vera til staðar ef hægt væri að ná betur til erlendra kylfinga. Það myndi ekki einungis gagnast golfklúbbunum heldur einnig sveitarfélögum og fyrirtækjum í ferðaþjónustu. Miðnætursólin á Arctic Open mótinu á Akureyri hefur heillað innlenda sem erlenda kylfinga. © Mynd/GSÍ (Mynd/GSÍ) „Erlendir kylfingar eru enn lítið nýttur markhópur þrátt fyrir að sá hópur fari sífellt stækkandi. Þar liggja mikil sóknarfæri fyrir klúbba, sveitarfélög og ferðaþjónustu. Ferðaþjónustan ætti að hafa í huga þau ótalmörgu ónýttu tækifæri sem hægt er að nýta tengt tengd golfi á Íslandi. Sem dæmi koma 3.000 manns í land á Ísafirði með skemmtiferðaskipum á hverjum degi yfir sumartímann. Svipað er uppi á teningnum fyrir austan á Seyðisfirði. Ef markaðsstofur og golfhreyfingin taka höndum saman þá efa ég ekki að við getum skapað mun meiri tekjur af komu ferðamanna. Golf er vinsæl íþrótt um allan heim og þessi markhópur sem er á siglingu í kringum Ísland er líklega ferðamaður ferðamenn með ágætar tekjur. Með markvissri kynningu til ferðamanna á skemmtiferðaskipum má sjálfsagt búa til enn meiri umferð um vellina okkar. Ég held að við séum enn skammt á veg komin að markaðssetja golf erlendis og flestir fæstir ferðamenn sem eru að koma til landsins hafa ekki hugmynd um hversu flotta golfvelli við eigum og það um land allt,” segir Hulda en er hægt að áætla hversu margir erlendir ferðamenn leika golf hér á sumrin? „Um sex þúsund erlendir ferðamenn léku golf á Íslandi árið 2025 og er áætlað að um 15 þúsund gistinætur séu seldar beinlínis vegna golfsins. Vert er að nefna að samkvæmt könnunum í Evrópu eyða golfferðamenn um 60% meira en almennir ferðamenn.“ Golfið er ævilöng hreyfing Að mati Huldu hefur golfhreyfingin jákvæð áhrif á fleiri sviðum en því sem hagfræðin undirstrikar. Félagslegi þátturinn er einnig mikilvægur í golfinu. © Mynd/GSÍ (Mynd/GSÍ) „Golfið hefur umtalsvert samfélagslegt gildi fyrir heilsu, forvarnir, félagslega virkni og jákvæða byggðaþróun. Þetta er íþrótt sem skilar sér margfalt til samfélagsins og rannsóknir sýna fram á heilsusamlega þætti sem golfið skilar. Þetta er svo mikil ganga, en kylfingar ganga almennt 5 til 10 kílómetra eftir því hvort farinn er 9 eða 18 holu hringur. Og þar sem sveitarfélög hafa verið tilbúin að lána land undir starfsemi golfklúbbanna þá höfum við getað boðið golf á viðráðanlegu verði. Golf er því orðin orðið almenningsíþrótt og góð fjárfesting bæjarfélags í heilsu íbúanna,“ segir Hulda og minnir á að sjálfboðaliðastarfið hafi vegið þungt í uppgangi íþróttarinnar hérlendis. „Vöxtur golfsins síðustu ár skýrist fyrst og fremst af öflugri innlendri þátttöku og stöðugri þróun í þjónustu og innviðum. Vöxturinn er samstarf margra þátta og ég myndi þakka sveitarfélögum afnot af landinu en um leið frumkvöðlum og sjálfboðaliðum alla þessa vinnu og ástríðu við að byggja upp þessi gæði.“ Hulda víkur aftur að lýðheilsuþættinum og minnir á að golfið sé einstök íþrótt þegar kemur að heilsu og virkni. „Fólk stundar golf á öllum aldri og sveitarfélög geta haldið íbúum sínum í góðri virkni fram eftir öllum aldri. Rannsóknir sýna að golf getur komið í veg fyrir eða seinkað allt að 40 lífsstílstengdum sjúkdómum. Varðandi félagslega þáttinn má segja að golfklúbbar séu í auknum mæli orðnir eins konar félagsmiðstöðvar. Það er hluti af töfrum íþróttarinnar.“ Golf á að vera fyrir alla Samkvæmt Huldu ætlar GSÍ að halda áfram þeirri vinnu að kortleggja hver ávinningur er sé fyrir landann af því að starfið í golfklúbbunum hringinn í kringum landið sé blómlegt. Gunnlaugur Árni Sveinsson er bjartasta vonin í afreksgolfinu um þessar mundir. © Mynd/GSÍ (Mynd/GSÍ) „Við ætlum að einfalda hlutina og gera enn betur með enn betri kortlagningu á því hverju golfið er raunverulega að skila til samfélagsins og íþróttalífsins á Íslandi. Það munum við gera með því að styðja klúbbana í áframhaldandi uppbyggingu, byggja upp gott barna- og unglingastarf saman, tryggja fagmennsku í þjálfun og mótahaldi ásamt því aðog hlúa að jákvæðri menningu á heildina litið. Jafnrétti og aðgengi skiptir mig miklu máli því golf á að vera fyrir alla. Sterkur grunnur og enn fleiri iðkendur skapa tækifæri fyrir golfið sem íþrótt. Ég hef alltaf trúað því að þetta fari saman. Ef grunnurinn er sterkur, og krakkar fá jákvæða fyrstu reynslu, þá kemur afreksstarfið eðlilega í kjölfarið. Kakan stækkar hlutfallslega fyrir alla. Við eigum að skapa tækifærin og umgjörðina.“ Hulda bætir við að hlutverk Golfsambands Íslands sé að halda utan um þennan grunn, styðja klúbbana í daglegu starfi og tryggja að umgjörðin sé fagleg, aðgengileg og stöðug eins og hún orðar það. „Við erum þjónustustofnun fyrir golfhreyfinguna og málsvari íþróttarinnar gagnvart ÍSÍ og opinberum aðilum. Okkar verkefni okkar er að efla breiddina, tryggja gæði í þjálfun og mótahaldi og skapa farveg fyrir þá sem vilja taka næstu skref og stefna hátt.“ Golf er vel þekkt íþrótt víðast hvar í heiminum. Sigurvegarar á stærstu golfmótum heimsins hafa komið frá öllum heimsálfum (þar sem fólk hefur varanlega búsetu.). Hvernig er golfhreyfingin á Íslandi í samanburði við aðrar þjóðir? Útsýnið frá Silfurnesvelli á Hornafirði er einstakt. © Mynd/GSÍ (Mynd/GSÍ) „Við erum lítið land en með ótrúlega öfluga hreyfingu. Klúbbarnir hafa byggt upp innviði, menningu og samfélag sem margir öfunda okkur af. Við erum fremst meðal jafningja er kemur að hlutfalli kvenna sem og barna- og unglinga. Það er þessi styrkur, þessi metnaður og samvinna margra aðila sem gerir afrekin möguleg,“ segir Hulda og er um leið minnug þess að ýmsir einkaaðilar hafa stutt vel við íþróttina. „Það er þakkarvert að sjá hversu margir fyrirtækjaeigendur og frumkvöðlar hafa nýtt sér tækifærin sem skapast hafa í kringum uppbyggingu golfklúbbanna og Golfsambandsins undanfarna áratugi. Þessi samvinna milli hins opinbera, félagasamtaka og einkaaðila hefur gert golfið að einni best reknu og hraðast vaxandi íþrótt landsins.“ Njótið sýningarinnar Forseti GSÍ tekur því fagnandi að kylfingum á Íslandi sé boðið upp á sýningu eins og Golf Expo meðan vetur konungur ríkir á Íslandi. „Njótið. Takið ykkur tíma til að spjalla, prófa nýtt, fá hugmyndir og finna gleðina sem golfið gefur. Golf Expo er áminning um hvað golfið er fjölbreytt og lifandi og hvað við erum heppin að eiga svona sterkt golfsamfélag. Ég vil koma á framfæri einlægu þakklæti. Þið eruð hluti af heildinni. Góðar vörur, góð þjónusta og nýjar hugmyndir gera golfið betra fyrir kylfinginn. Haldið áfram að hugsa til framtíðar og byggja upp tengsl sem endast lengur en eina leiktíð,“ segir Hulda, og hún segirsem telur að bjart sé fram undan í golfinu ef rétt sé haldið á spöðunum, eða kannski kylfunni öllu heldur í þessu samhengi. „Ég er stolt af íslensku golfi og bjartsýn á framtíðina. Ef við vinnum saman, hlustum hvert á annað og pössum upp á menninguna okkar, þá eigum við mjög góð ár fram undan. Mitt markmið er einfalt: Að golf á Íslandi sé staður þar sem fólki líður vel og vill vera. Við viljum að framtíðarkynslóðir elski golfíþróttina og að því stefnum við.“ Greinin birtist í sérblaði Viðskiptablaðsins, Golf Expo 2026 .